創立時間

SYNDICT 係 Synchronic Dictionary（共時辭典）个合成詞，由熱心客語傳承个網友共建於 2008 年 5 月 4 日，至今已逾十一年，有可能係全世界第一隻以客語作為標準功能語言个網站。

為展示各地客語特色，並在一定程度上縮小邇兜差別，方便全球客家人溝通，SYNDICT 採用開放資源获取个方式，由網友提交詞條信息、並經過公開討論之後，再正式發佈在網頁上。在過訖个歲月當中，已收錄矣梅縣、惠陽、五華、松口、英德等大陸地區个客語單字語音近 3 萬條，並收集矣大量日用詞彙，其中單淨見於客語、毋見於普通話个詞彙既達 10000 條以上，超過矣目前市面上大部分个紙版客語辭典。隨等緊來緊多个熱心網友參與本項目，邇兜數字還在持續增加中。

我等个目標

我等个目標係團結全球各地个客家人，建立最廣泛个客語統一戰綫。

隨著各地客語資料个增長，我等相信，定著可以尋到一種口音，能使得 90% 以上个客家人聼懂 90% 以上。在諸地口音个基礎上，復興客語，將其永久流傳下去！

今下做緊个事情……

我等正在收集客家話詞彙，製作客語通用教材，開發客語輸入法，並致力於客語文藝成長計劃，包括文學、漫畫、音樂、影視傳媒等等。

係話爾對 SYNDICT 項目感興趣，做得隨時用電郵聯係我等：info#syndict.com （將其中「#」號改爲「@」。）

還過，也歡迎關注 SYNDICT 个新浪微博：http://weibo.com/u/2722108034。

捐助薪典

係話汝相挺薪典項目，做得用微信（WeChat）掃描下背个二維碼來捐助我等，承蒙。